Categories
Gedigte

“Sonstraal II” – Adriaan Koekemoer

Sonstraal II – 
Eenhonderd mense
Met eenhonderd dae
Elkeen sal sy dag kry
Solank die son aanhou brand
En jy staan agter elkeen 
Maak seker hy kry sy straal
Jou traan op my wang
My hand op jou rug
Troos my met die liefde
Genees my met jou straal 
Jammer vir daai tyd 
Jy’t gewag dat ek jou kom haal 
Ek’t gewaai met die wind
Maar jou son het my kom haal 
Jy’s die een met die besem
Wat my herfs op vee
Reën in die dag
Waai my deur die dag 
Sonstraal teen my muur 
Die kamer verlang na jou 
My stories wil nie groei nie 
En my drome raak nou min
Die wasbak raas 
Die kêtel kook 
Sonstraal teen my muur 
Jou oë gaan oop
Jou glimlag helder
Vars in my gemoed 
Ons twee is weg 
Een opsoek na die ander
En jare later uit verse van die hemel 
Verdwyn my winter 
Portret van my sonstraal 
Opgehang teen die kamer muur
Afgesonder van almal
Lewe ’n geheim 
Ken net die vroeg oggend son
Daar waar die strale die berg omvou
En soos hy sak hy my lig saam met hom vat
Jou patrone op my vingers 
Die leemte in my woorde
Die stroom maak my rustig 
Die wind waai my weg
Op die heuwels hoor my God
Vlam in my kop
Lig op my pad 
Maar my son sal weer skyn
Oog op die horison 
Volg my tot hier en nie verder nie
Hier sal ons bly
Hier waar die son opkom
Hier waar die son nooit sak nie

Sonstraal teen my muur


—- Adriaan Koekemoer

Categories
Gedigte

“MEJUFFROU SONNEBLOM” – Henry Tromp

saam jou sal ek stap
deur sonneblom vlaktes van geluk
deur donderbuie van seer

want jy
jy het ’n vermoë waarna almal soek
’n vermoë om lewens te verander

jy verhelder gebroke leemtes
met jou skaam glimlag
jou oë n uitnodiging na die lewe
’n lewe gevul met geluk en vrede

al wat dit vat is een sekonde
een sekonde om verlore te raak
verlore in jou
jy is ’n tuiste vir verlore siele

’n briesie wat harte en gemoedere genees
jou stem bring enige storm tot rus
jy’s een van daai
een wat nie met ’n miljoen woorde
eers naastenby beskryf kan word nie

jy is enige happily ever after se einde
jou omgee skree harder as perfeksie
en dit is wat jou so asemrowend maak
jy’t ’n hart wat klop vir ander

jy’s ’n wonder, ’n droom
jy’s die begin van alle goeie gedagtes
jou naam is my bloedgroep
jou liefde is my sig
en jy’s daardie seer maar lekker glimlag wanneer ek stoksielalleen is

— Henry Tromp

Categories
Gedigte

“Wolwedans in die skemer” – Mijaune Smith

rus en vrede oorheers die vlaktes
veilig en vry is die duiwe wat hang aan die kloktoring om my gewrig
die storm breek swaar en rus in die binnenste van jou lag
mutually exclusive is ons liefde en haat
sit my kop op jou bors
dit brand, jou hart bons
jy is bibberende lawaai
ingevleg en warmer in jou

los my weer en weer
dalk stop ons tyd en probeer nog n keer

Categories
Gedigte

Ek glo

ek glo nou dat jy nie iets moet skryf
as jy nie regtig iets móét sê nie
ek het elke dag een minder ding om oor te praat
so as ek my stilte gekoop het
sal daar een ding wees wat in my resoneer
dat ek jou liefhet 
weer en weer
meer en meer

—Danie Reënwolf

Sluit aan om die gedig te lees.

Categories
Gedigte

“Flou” – Mijaune Smith

‘n Great Gedig deur Mijaune Smith

wie is sy wat die brander kan ry
wat saans die oros gaan kry

it’s a wonderful mess
my darling ons gaan saam oudword
God waai links van die kanselgordyn in
bewoë, Hy buig my knieë
die sterre skiet en jy verdwyn in jou grys, oupa trui
gewas met onskuld en vergifnis
moet my nie vergeet, lief.
die glas is dalk leër, maar als wat ek het is al wat ek het.
mag die smaak van ons flou herinneringe die
kampvuur laat spoeg en crackle
wie is sy wat die brander kan ry?
wie is sy wat saans die oros gaan kry?

die kinders sal weet
my kinders sal weet
jou kinders sal weet.

wie is sy wat die brander kan ry
wat saans die oros gaan kry

it’s a wonderful mess
my darling ons gaan saam oudword
God waai links van die kanselgordyn in
bewoë, Hy buig my knieë
die sterre skiet en jy verdwyn in jou grys, oupa trui
gewas met onskuld en vergifnis
moet my nie vergeet, lief.
die glas is dalk leër, maar als wat ek het is al wat ek het.
mag die smaak van ons flou herinneringe die
kampvuur laat spoeg en crackle
wie is sy wat die brander kan ry?
wie is sy wat saans die oros gaan kry?

die kinders sal weet
my kinders sal weet
jou kinders sal weet.

Sluit aan om die gedig te lees.

Categories
Gedigte

Perseverance

Sluit aan om die gedig te lees.

Categories
Gedigte

ons raak verslaaf aan emosies

Sluit aan om die gedig te lees.

Categories
Gedigte

24

Sluit aan om die gedig te lees.

Categories
Gedigte

Ohana Café

Sluit aan om die gedig te lees.