Die Blou Kaap

Die Rivier Forums Fan Gedigte Die Blou Kaap

Viewing 2 posts - 1 through 2 (of 2 total)
  • Author
    Posts
  • #1834
    AvatarDian Van Zyl
    Participant

    Die branders het jou onkant gevang
    Met jou sandkastele op mekaar gestapel
    Dis besig hier in Stilbaai
    Kom,
    Kom ons hardloop weg van al die skote in die Cape Flats
    Vaderrolle speel wegkruipertjie en die kinders verdwaal op die soektog
    Die bloed versmoor die dorre blare in Athlone straat

    Ek wil jou al die kleure van Tafelberg wys,
    Met Robbeneiland wat vir vrede roep
    Daar op seinheuwel het ek gewag
    Kom,
    Kom ons verdwyn tussen die weelde van Clifton
    Hier is armoede onbeproefd

    Die lewe in die Kaap is onvoorspelbaar
    Die cops jaag die skollies tjoekie toe want die Young Ones vereer misdaad
    Kom,
    Kom ek gaan wys jou Houtbaai
    Waar n visserman sy Rob voer
    Sonder hom is die man se siel leeg

    Bewegings word vasgevang in wynplaaswingerde
    In die kalmte van jou aanwesigheid kon ek my kranse oorsteek
    Dis magic sê ek vir myself
    Kom,
    Kom ek wil die lewe van Stellenbosch verken
    Totdat die moreson my wintersoggend asem kom oorneem
    En ons laat vergeet van gister

    Ek is warm geheet in Koelbaai
    Waar Brilpikkewyne doelloos ronddryf
    En wag vir n tweede asem
    Kom,
    Kom maak n woning hier in my hart
    Hierso in die Blou Kaap

    ~Dian Van Zyl

    #2000

    Dian, dis amazing! Baie dankie vir jou ondersteuning en jou bydrae tot ons kuns-gemeenskap hier op Die Rivier!

    Vuurwolf

Viewing 2 posts - 1 through 2 (of 2 total)
  • You must be logged in to reply to this topic.