Categories
Gedigte

Harry Potter

ek het as kind Harry Potter op die rekenaar gespeel

met Cup-a-Soup
daar was mense teen wie jy kon vashardloop in die kasteel
‘Hello, Mr. Potter’
of ‘I’m sorry, Mr. Potter’
’n genuine human connection 
sonder enige internet connection
ek het hulle bevriend
en soms selfs gemis
buite kon jy tot teenaan die woud gaan
maar nooit ingaan nie
na die dood van ’n familielid in die regte wêreld

het ek weer probeer
‘I’m sorry, Mr Potter’
om te dink dat ek ’n siel in ’n masjien kon indink
maar dat ek jou soms nie raaksien nie
jy met jou trane soos liggies vanuit jou kop
’n snikkende wingardium leviosa 
daar is hoop vir ons om hierdie speletjie te klop
if not, hou ons nou maar op

hier by die woud

waar al die digitale informasie stop
ons drink regte wyn

sit sommer op die tafel en vry

met die handdoeke almal in die tuimeldroër

en jou favourite fancy pakkie-sop

— Danie Reënwolf

One reply on “Harry Potter”

Leave a Reply